السلام عليكم و رحمة الله و بركاته
اليوم عندي قصة من القصص الجميلة القصيرة و هي تتكلم عن شباب في امريكا
ما راح اكثر كلام أخليكم مع القصة
فيه ثلاثة مسافرين لأمريكا وساكنين في أول دور من عمارة تتكون من 75 طابق ؛
وقالهم موضف الإستقبال : لا زم تجون هنا قبل الساعة عشر لأن اللفت يقفل الساعة 10:00 .
أول يوم جوا الساعة تسع ، ثاني يوم جوا الساعة 9:30 ، بس بكرة جوا الساعة 10:02 ولقوا اللفت قد قفل،
وقعدوا يلحون على الموضف إنه يشغله ، قالهم : اسمحولي هذا كمبيوتر ما أقدر أشغله ، لو إني ساكن في الدور
الأول وجيت في مثل هذا الوقت كان رقيت الدرج .
قالوا :خلاص دام مافيه حل إلا كذا بنرقاء الدرج بس لازم أحد منا يسلينا في الطريق .
قال الأول :خلاص أنا أول 25 دور بقول لكم نكت بخليكم تفطسون من الضحك .
قال الثاني :وأنا ثاني 25 دور بقول لكم قصص حقيقية .
وسألوا الثالث :وش بتقول ؟
قال :مدري بشوف.
ورقوا الـ25 دور الأولى وهم ميتين من الضحك تشوفهم يطيحون على بعض ويتمايلون على بعض من شدة الضحك ، وثاني 25 دور بداء خويهم يقول القصص الحقيقية ، وفي الطريق كنهم بدوا يملون شوي ،
وخلصت الـ25 دور الثانية وألتفتوا على خويهم الثالث وقالوا :وش قررت وش بتقول؟
قال : بقول لكم قصص نكد في نكد لا أخليكم تصيحون من قوة النكد.
ورقوا الـ25 دور الأخيرة وهم ضايقة صدورهم بشكل ،حوادث سيارات إنفجارات تصادم قطارات ناس ماتوا... ،
يوم وصلوا الشقة بعد ساعة قالهم : بقولكم أنكد قصة عندي بتنكد عليكم بشكل .
قالوا : خلاص تراك أزعجتنا إنـّا تعبانين مرّة .
قال : لازم أقولها ؛ ترانا نسينا مفتاح الشقة عند الإستقبال .
ملاحظة : كلمة نكد = تخريب المزاج